Endi zaman talabyna saı Naýryzdyń formatyn túbegeıli ózgertý qajet. Naýryzdyń aıryqsha tálim-tárbıe, qadir-qasıet beretin túrleri óte erekshe. Sondyqtan, Naýryz meıramyna jańa reńk berý úshin, adamnyń ultyna, dinı baǵynystylyǵyna qaramastan, adamgershilik qundylyqtarǵa mán bere otyryp, Qazaqstan halqy túgel qamtylatyndaı mazmunyn jasaý kerek.
El arasynda «Naýryz merekesi buqaralyq sıpattan ajyrap, sahnalyq keıipke enip, azdaǵan jurtshylyqtyń qyzyqtaýyna ǵana aınalǵan folklorlyq qoıylym kórinisinen aspaýda» degen pikir qalyptasty. Osy oraıda Mádenıet jáne sport mınıstri Arystanbek Muhamedıuly Naýryz merekesin jańa formatta ótkizýdi usynǵan bolatyn.
«Merekeniń ózine sáıkes atrıbýttaryn qalpyna keltirip, folklorlyq-etnografııalyq aýqymnan jalpy qazaqstandyq mereke dárejesine jetkizgen jón. Merekede baqylaýshylar bolmaıdy, bári de qatysýshy. Naýryz merekesiniń negizgi maǵynasy: Ulttyq namys pen rýhanı bolmysymyzdy jańǵyrtý. Sondyqtan da Naýryzǵa irgeli izdenister men tarıhı ári zamanaýı sharalar kerek» dep atap ótti.
2019 jylǵy Naýryz meıramyn merekeleýge baılanysty Qazaqstan Respýblıkasy Mádenıet jáne sport mınıstrligi birneshe is-shara ótkizedi.
Mádenıet jáne sport mınıstrliginiń is-sharalar legi 13 naýryz kúni «Qazaqconcert» memlekettik konserttik uıymynda ótken «Ulystyń uly kúni» atty merekelik jobamen bastaý aldy.
«Ulystyń uly kúni» jobasynyń sheńberinde kórermender ulttyq salt-dástúrler men oıyndardyń, aqyndar aıtysyn, halyq áýenderine qurylǵan án shashý men kúı tartys syndy ulttyq mádenıetimizdiń ozyq úlgileri usynyldy.
17 naýryz kúni Almaty qalasynda Muhtar Áýezov teatrynyń aldynda «Uly dalanyń uly kúni – Naýryz» atty merekelik is-sharamen óz jalǵasyn tapty.
19 naýryz kúni Ulttyq mýzeıde balalar úıleriniń tárbıelenýshilerine arnalǵan «Tusaý kesý» saltanatty rásimi, Qoljazbalar jáne sırek kitaptar ulttyq ortalyǵynda oqýshylar arasynda «Toǵyzqumalaq» qazaqtyń ulttyq oıyny, P.Chaıkovskıı atyndaǵy Almaty mýzykalyq kolledjiniń qarttar úıindegi «Armysyń, áz Naýryz» atty merekelik konserti, K.Baıseıitova atyndaǵy Respýblıkalyq orta arnaýly mamandandyrylǵan daryndy balalarǵa arnalǵan mektep-ınternatynda «Armysyń, áz Naýryz» halyq aspaptary orkestriniń merekelik konserti, Velosıped sportynan olımpıadalyq daıarlaý ortalyǵynda jas sportshylardyń velosıpedpen júrip ótýi ótedi.
20 naýryz kúni Ulttyq kitaphanada «Qosh keldiń, áz Naýryz»: merekelik ashyq esik kúni, «Astana Balet» teatrynda «Uly dala murasy» konserttik baǵdarlamasy, Kúlásh Baıseıitova atyndaǵy orta mektep-ınternatynda «Naýryznama» qazaq ulttyq oıyndarynyń túrlerinen jarystar ótkiziledi.
21 naýryz kúni Ulttyq akademııalyq kitaphanada Túrki tildes elder balalary kostıýmderiniń festıvali, Astana opera teatrynda «Qosh keldiń, Naýryz!» merekelik konserti ótedi.
22 naýryz kúni Á. Qasteev atyndaǵy memlekettik О́ner mýzeıinde Naýryz merekesine arnalǵan jaǵdaıy tómen otbasylarǵa ekskýrsııa, Kúres túrleri boıynsha olımpıadalyq daıarlaý ortalyǵynda Ulttyq sport túrlerinen sporttyq is-sharalar ótetin bolady.
23 naýryz kúni Sport jáne dene shynyqtyrý isteri komıtetiniń uıymdastyrýymen «Naýryz sergektikke shaqyrady!» Kóktem marafony (Naýryz meıramyn merekeleýge baılanysty jańa dástúr), Ortalyq memlekettik ǵylymı-tehnıkalyq qujattama arhıvinde Naýryz meıramyn merekeleý aıasynda ardagerler kezdesý, Sh.Aımanov atyndaǵy «Qazaqfılm» AQ uıymdastyrýymen Qazaq mýltfılmderiniń úlken kıno kórsetilimi, Á.Qasteev atyndaǵy memlekettik О́ner mýzeıinde «Mýzeıdegi Naýryz» shyǵarmashylyq festıvali, «Ulttyq aspaptar» murajaıynda «Ulttyq aspaptar» murajaıyna saıahat is-sharasy josparlanǵan.
27 naýryz kúni "Astana Opera" teatrynda jas kórermenderge arnalǵan T.Beısembekovtiń «Samuryq kelgen tań» atty jańa mýzykalyq spektakli qoıylady.
